Chúi

水 (Chúi) (水) 是 (sī)地球 (tē-kiû)頂 (téng)上蓋 (siōng-kài)普通 (phó͘-thong)的 (ê)液體 (e̍k-thé)。水無 (bô)色水 (sek-chúi)，鼻起來 (phīⁿ--khí-lâi)佮 (kap)啖起來 (tam--khí-lâi)嘛 (mā)無味 (bī)。湖 (Ô͘)，海 (hái)，河 (hô)佮溪 (khe)內底 (lāi-té)攏是 (lóng-sī)水。對 (Ùi)天頂 (thiⁿ-téng)落落來 (lo̍h--lo̍h-lâi)的水就 (tō)是雨水 (hō͘-chúi)。水若 (nā)冷 (léng)甲 (kah)一个 (chi̍t-ê)程度 (têng-tō͘)，就會 (ē)堅凍 (kian-tàng)，煞 (soah)變做 (pìⁿ-chò)冰 (peng)抑是 (ia̍h-sī)雪 (seh)。若準 (chún)水拄 (tú)燒 (sio)甲 (kah)一个程度 (thêng-tō͘)，伊 (i)就會滾 (kún)，變做水煙 (chúi-ian)。

植物 (Si̍t-bu̍t)，動物 (tōng-bu̍t)，和 (hām)人 (lâng)攏 (lóng)著 (tio̍h)食 (chia̍h)水才 (chiah)會活 (o̍ah)，因為 (in-ūi)水佇 (tī)活物 (o̍ah-mi̍h)的體內 (thé-lāi)有 (ū)太濟 (thài-chē)路用 (lō͘-iōng)佇咧 (tī-leh)。比論講 (Pí-lūn-kóng)，水是汗 (kōaⁿ)，血 (hoeh)，喙瀾 (chhùi-nōa)，佮尿 (jiō)上主要 (siōng-chú-iàu)的成份 (sêng-hūn)。汗予 (hō͘)身體 (sin-thé)袂 (bē)傷 (siuⁿ)賴 (lōa)，血對胃腸 (ūi-tn̂g)共 (kā)營養 (êng-ióng)送 (sàng)去 (khì)到 (kàu)身體的逐个 (ta̍k-ê)部分 (pō͘-hūn)，予咱 (lán)會活。喙瀾幫贊 (pang-chān)人佮動物共食物 (chia̍h-mi̍h)消化 (siau-hòa)。尿共䆀 (bái)的化學品 (hòa-ha̍k-phín)送離開 (lī-khui)身體。

水嘛是飲料 (ím-liāu)主要 (chú-iàu)的成份。比論 (Pí-lūn)牛奶 (gû-leng)，果汁 (kó-chiap)，佮酒 (chiú)攏是。逐款 (Ta̍k-khóan)飲料攏另外 (lēng-gōa)有加 (ka)味或者是 (he̍k-chiá-sī)營養成份，親樹 (chhin-chhiū)糖 (thn̂g)，果子 (kóe-chí)，抑是酒精 (chiú-cheng)。Hō-ló話 (oē)四常 (sù-siông)共煮過 (chú--kòe)，會啉 (lim)得 (tit)的水叫做 (kiò-chò)茶 (tê)，抑是白茶 (pe̍h-tê)。泡 (Phàu)茶米 (tê-bí)的茶另外共號做 (hō-chò)茶米茶 (tê-bí-tê)。

佇生物學 (seng-bu̍t-ha̍k)來 (lâi)講 (kóng)，水對 (tùi)細胞 (sè-pau)誠 (chiâⁿ)重要 (tiōng-iàu)，因為水會當 (ē-tàng)共不止仔 (put-chí-á)濟 (chē)物件 (mi̍h-kiāⁿ)消溶 (siau-iûⁿ)。水成做 (chiâⁿ-chò)化學 (hòa-ha̍k)反應 (hóan-èng)的媒介 (mûi-kài)，予化學反應通 (thang)發生 (hoat-seng)，遮的 (chiah-ê)物質 (bu̍t-chit)嘛透過 (thàu-kòe)水送去規 (kui)身軀 (sin-khu)每一个 (múi-chi̍t-ê)所在 (só͘-chāi)。水予咱保持 (pó-chhî)固定 (kò͘-tēng)的溫度 (un-tō͘)，體溫 (thé-un)傷懸 (siuⁿ-kôan)的時 (sî)，咱流出來 (lâu--chhut-lâi)的汗若焦去 (ta--khì)，溫度自然 (chū-jiân)就降落來 (kàng--lo̍h-lâi)。水嘛共身體內底無路用 (bô-lō͘-iōng)佮有毒 (ū-to̍k)的物件透薄 (thàu-po̍h)，變做 (piàn-chò)尿，通排出 (pâi-chhut)體外 (thé-gōa)。