台灣 南部的中央山龍 位星 相片。 ( 1998年11月歙 )
中央山龍是台灣5个大山龍內底的1个，上北到佇宜蘭縣 ( 宜蘭縣 ) 蘇澳 ( 蘇澳 ) 的東澳嶺 ( 東澳嶺 )，上南來到台灣尾梢的鵝鑾鼻 ( 鵝鑾鼻 )。
中央山龍窮實較扁佇台灣島的東爿，對北佮南攏總有340公里遐長，若東西闊面是差不多80公里。佇島嶼頂懸的行向是北北東到南南西。伊嘛是臺灣上長的山龍，有 "台灣翹脊" 的體號，嘛因為按呢閣予人號做中脊山龍 ( 華語: 脊樑山脈 )。
一般講的中脊山龍是協議的中央山龍，若廣義的中央山龍，就愛共 "中脊山龍"， "雪山山龍" ( 華語: 雪山山脈 ) 佮 "玉山山龍" ( 華語: 玉山山脈 ) 攏算在內，嘛有人共廣義的中央山稜叫做 "中央山地" 來區分狹義佮廣義的中央山稜。
中央山龍共台灣島分做東爿佮西爿無對抻的2部分，東爿較細的，卡khâm坷，西爿較闊，嘛較平坦。中央山龍宛若是臺灣島逐个水系的分水。
中央山龍的懸山相紲，台灣100山母 ( 華語: 台灣百岳 ) 就有誠濟是屬地中央山龍，比論講: 秀姑巒山 ( 華語: 秀姑巒山) (3825公尺)，南湖大山 ( 華語: 南湖大山 ) (3742公尺)，合歡山 ( 華語: 合歡山) (3714公尺)，中央尖山 ( 華語: 中央尖山 ) (3705公尺)，關山 ( 華語: 關山 ) (3668公尺)，奇萊主山北嶺頭 ( 華語: 奇萊主山北峰 ) (3607公尺)，向陽山 ( 華語: 向陽山 ) (3602公尺)，奇萊主山 ( 華語: 奇萊主山 ) (3560公尺)，三叉山 ( 華語: 三叉山 ) (3496公尺)，丹大山 ( 華語: 丹大山 ) (3325公尺)，能高山 ( 華語: 能高山 ) (3262公尺 )。
照統計來看，中央山龍內底的 "台灣100山母" 攏總有69粒，若超過3,000公尺的懸山，嘛有181粒，這个數字是 " 台灣5个大山龍 " 內底徛頭名的。
