Iosif Vissarionovich Stalin (露西亞語 (Lō͘-se-a-gí): Ио́сиф Виссарио́нович Ста́лин; Gruzia語 (gí): იოსებ ბესრიონის სტალინი; 1878年 12月18日 – 1953年 3月5日),本名 (pún-miâ)Iosif Vissarionovich Dzhugashvili (Gruzia語: იოსებ ბესარიონის ძე ჯუღაშვილი),是 (sī)1922年 (nî)到 (kàu)1953年的 (ê)蘇聯 (So͘-liân)共產黨 (Kiōng-sán-tóng)中央 (Tiong-iong)委員會 (Úi-ôan-hōe)總書記 (Chóng-su-kì),是蘇聯共產黨參 (chham)蘇聯的領導人 (léng-tō-jîn)。伊 (I)建立 (kiàn-li̍p)的政治 (chèng-tī)體制 (thé-chè)予 (hō͘)後代人 (āu-tāi-lâng)號做 (hō-chòe)Stalin主義 (chú-gī)。
Stalin佇 (tī)Vladimir Lenin過身 (kòe-sin)了後 (liáu-āu)崛起 (ku̍t-khí),伊參Lev Trotsky鬥爭 (tàu-cheng),而且 (jî-chhiáⁿ)得著 (tit-tio̍h)權力 (kôan-le̍k)。 Stalin佇蘇聯實行 (si̍t-hêng)計畫 (kè-ōe)經濟 (keng-chè)參工業化 (kang-gia̍p-hòa),同時 (tông-sî)徵收 (teng-siu)土地 (thó͘-tē),成立 (sêng-li̍p)集團 (chi̍p-thôan)農場 (lông-tiûⁿ)。幾若 (Kúi-ā)百萬 (pah-bān)的人民 (jîn-bîn)佇這段 (chit-tōaⁿ)改革 (kái-kek)期間 (kî-kan)予流放 (liû-hòng)抑是 (ia̍h-sī)死亡 (sí-bông)。
佇1930年代 (nî-tāi), Stalin發起 (hoat-khí) "大肅清 (Tāi-siok-chheng)",將 (chiòng)幾若百萬人 (lâng)送去 (sàng-khì)勞動 (lô-tōng),抑是處決 (chhú-koat)。 Stalin參彼當時 (hit-tong-sî)的德國 (Tek-kok)密謀 (bi̍t-bô͘),而且入侵 (ji̍p-chhim)波蘭 (Pho-lân)。後來 (Āu-lâi)德國佇第二次 (Tē-jī-chhù)世界 (Sè-kài)大戰 (Tāi-chiàn)入侵蘇聯, Stalin變 (pìⁿ)對抗 (tùi-khòng)德國的同盟國 (tông-bêng-kok)領導人之一 (chi-it)。
大戰結束 (kiat-sok)了後, Stalin領導 (léng-tō)的蘇聯紅軍 (Âng-kun)佔領 (chiàm-niá)東歐 (Tang-au),而且進行 (chìn-hêng)政治鬥爭參肅清 (siok-chheng)。伊上尾 (siōng-bóe)佇1953年過身,官方 (koaⁿ-hong)宣稱 (soan-chheng)的死因 (sí-in)是中風 (tiòng-hong)。