Howland-tó

Howland島

Howland島 (tó) (英語: Howland Island) 是 (sī)踮佇 (tiàm-tī)中 (tiong)太平洋 (Thài-pêng-iûⁿ)，赤道 (chhiah-tō)卡 (khah)北一屑仔 (pak--chi̍t-sut-á)的 (ê)1个 (ê)珊瑚島 (san-ô͘-tó)，約略 (iok-lio̍k)佇 (tī)Honolulu西南向 (sai-lâm-hiòng)3100km遠 (hn̄g)的所在 (só͘-chāi)。頂懸 (Téng-koân)無 (bô)帶 (tòa)人 (lâng)。目前 (Bo̍k-chêng)是美國 (Bí-kok)的1塊 (tè)無編入 (bô-pian-ji̍p) (unincorporated) 閣 (koh)未組織 (bōe-cho͘-chit)領土 (léng-thó͘) (unorganized territory)。

Howland島現此時 (hiān-chú-sî)是1个國家 (Kok-ka)野生物 (Iá-seng-bu̍t)收洋區 (Siu-iông-khu)，號做 (hō-chò)Howland島國家野生物收洋區，行政上 (hêng-chèng-siōng)歸 (kui)美國魚 (Hî)佮 (kap)野生物服務處 (Ho̍k-bū-chhù)管理 (koán-lí)。伊 (I)的範圍 (hoān-ûi)除了 (tû-liáu)島上 (tó-siōng)的1.84 km²以外 (í-gōa)，又閣 (iū-koh)包括 (pau-koah)沿海 (iân-hái)129.80 km²的海底第 (hái-té-tē)。

島上有 (ū)Polynesia人的一寡仔 (chi̍t-kóa-á)古蹟 (kó͘-chek)。美國根據 (kin-kù)國內 (kok-lāi)的Guano Islands Act (1856) 佇1857年 (nî)領 (niá)這个 (chit-ê)島。美國佮聯合 (Liân-ha̍p)王國 (Ông-kok)的公司 (kong-si)落手 (lo̍h-chhiú)開發 (khai-hoat)遐的 (hiah-ê)guano (鳥屎肥 (chiáu-sái-pûi)) 資源 (chu-goân)。

美國查某 (cha-bó͘)飛行機 (hui-hêng-ki)駕駛員 (kà-sú-oân)Amelia Earhart佮1个Fred Noonan本底 (pún-té)佇1937年欲 (beh)對 (tùi)新 (Sin)Guinea飛 (poe)到 (kàu)這个島，總是 (chóng--sī)路中 (lō͘-tiong)失蹤 (sit-chong)。